Isabel Macías, subcampiona europea de 1.500 m. en pista cubierta

En l'esprint final l'aragonesa batió a la polaca Broniatowska por 11 centesimas de segundo

640px-2012_IAAF_World_Indoor_by_Mardetanha3038

Macías, a quartena por a cucha en os pasaus Campionatos d’o Mundo en pista cubierta. Foto: Mardetanha

L’atleta aragonesa Isabel Macías se fació ahiere con a medalla d’archent en a preba de 1.500 m. d’os Campionatos d’Europa d’atletismo en pista cubierta que se disputan en Gotemburgo (Suecia).

A final y a medalla d’oro las ganó l’atleta sueca d’orichen etíope Abeba Aregawi, qui dende a salida d’a preba se’n fue con autoridat sin que denguna d’as suyas rivals podese fer cosa ta seguir-le o ritmo. A luita por a resta de metals estió mas competida, con siet corredoras aspirando a medalla. Isabel Macías se colocó segunda d’a colla que encorreba a Aregawi, dezaga d’a polaca Katarzyna Broniatowska. En a recta final en un luitau esprint l’aragonesa enantó en a linia de meta a la corredora polaca, consiguindo a medalla d’archent. Aregawi ganó con un tiempo de 4:04.47, mientres que Macías dentró en a meta con 4:14.19Broniatowska con 4:14.30, nomás 11 centesimas de segundo las deseparoron.

Macías ya compitió en os pasaus Campionatos d’Europa d’atletismo en pista cubierta, en París fa dos anyadas, consiguindo una cinquena plaza.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.