Islandia renuncia a formar parte d’a UE

O primer ministro anunció ahiere a disolución d'as comisions de treballo y a fin d'as negociacions

Reykjyavik (Islandia). Foto: Christian Bickel (CC-BY-SA)

Reykjyavik (Islandia). Foto: Christian Bickel (CC-BY-SA)

Islandia ha aturau definitivament as conversacions pa formar parte d’a Unión Europea. O ministro d’Afers Extranchers islandés, Gunnar Bragi Sveinsson, anunció ahiere que o suyo país disolvería todas as comisions creyadas pa negociar iste ingreso y comunicar a la Unión Europea que no i habría garra reunión mas. A zaguera reunión entre a Unión Europea y Islandia s’heba feito tasament o domingo.

As negociacions empecipioron en 2008, dimpués d’o colapso economico d’a isla. Con tot y con ixo a oposición ciudadana a formar parte y as dificultatz d’alcuerdo sobre os dreitos de pesca han retardau o proceso y finalment l’han suspendiu. O gubierno actual se presentó a las esleccions con a promesa electoral d’aturar as negociacions entre a Unión Europea y Islandia.

Fuent: http://www.vilaweb.cat/noticia/4144952/20130920/islandia-renuncia-formar-ue.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.