Islandia suspende a negociación ta dentrar en a UE

L'augment de l'euroscepticisme i la proximitat de les eleccions en motiven la suspensió

Jóhanna Sigurðardóttir en una reunión de ministros nordicos (Foto: Wikipedia)

Jóhanna Sigurðardóttir en una reunión de ministros nordicos (Foto: Wikipedia)

O gubierno islandés ha anunciau ista semana a suspensión d’a negociación que manteneba ta unir-se en o futuro t’a Unión Europea. O gubierno de socialdemocratas y ecolochistas, encapezau por Jóhanna Sigurðardóttir, en o poder dende 2009, prencipió fa dos anyadas a fer trangos ent’a UE ta que Islandia no tornase a trobar-se sola en una crisi financiera como la que vivió en 2008. A puyada de l’euroescepticismo (s’amana t’o 60% en as enqüestas), a baixada en a intención de voto t’a coalición d’o gubierno y que s’amanan as eleccions que serán o venient 27 d’abril, ha empentau a Sigurðardóttir ha aturar temporalment as conversacions.

D’os trenta apartaus que feban parti d’a negociación ta unir-se-ie, seguntes o gubierno, se’n han tractau dica agora vintisiet y nomás en once ya bi ha alcuerdo provisional. Dica as eleccions d’a primaveras, os negociadors islandeses continarán cooperando en os apartaus ubiertos, pero no bi habrá negociación en os capitols no tractaus encara, os más importants porque pertocan a la pesca, principal recurso islandés, y a la agricultura.

Dos anyadas dimpués d’a ubridura formal de conversacions, a negociación no enanta a buen ritmo y, manimenos, puya o tradicional escepticismo d’os islandeses cuanto a la UE. A zaguer enqüesta sobre a qüestión, de l’octobre pasau, indicaba que un 60% d’os ciudadans yeran en contra de dentrar-ie. Iste sentimiento s’explica por o conflicto d’Islandia con bells países d’a UE por as indemnizacions a lo cabidadors forano por a quiebra d’o banco Icesave, pero tamién por os pleitos por as condutas de pesca y por a grau crisi d’a zona euro.

De traza paralela, as enqüesta pronostican dende fa meses a baixada d’a cucha y a tornada t’o poder d’o conservador Partiu d’a Independencia, contrario a unir-se t’a UE.

Fuent: http://www.vilaweb.cat/noticia/4074480/20130116/islandia-suspen-negociacio-entrar-ue.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.