Ista nueit s’enchegará a foguera de Sant Chuan d’o parque Bruil

A chera de Sant Chuan ye adintro d'a programación d'as fiestas d'o vico zaragozano

13502161_1086655228056231_3121227582638757335_nAdintro d’a programación d’a XXIX Semana Cultural d’a Madalena ista nueit se enchegará la foguera de Sant Chuan en o parque Bruil. Iste acto ye o principal d’as fiestas d’o vico. A Semana Cultural se celebra dende o pasau 17 de chunyo y continará dica o venient domingo 26 de chunio con mas de 100 actividatz programadas.

A foguera d’o parque Bruil se tracta d’a más tradicional y con más participación de Zaragoza. Iste tornará a estar o escenario esleixiu por milars de vecins de toda la ciudat ta recibir o verano. L’Asambleya d’a Semana Cultural Madalena ha aprestau un programa con actuacions mientres toda la tarde-nueit.

A las 18:30 horas prencipiará a cubada infantil. En ista, os mas chicotz podrán levar o suyo difusor u churro d’augua ta chipiar-se y concarar a calor. Se ruega no fer servir globos d’augua. A las 20.30 horas se ferá a “gamberra” pasavilla de fuego d’os Diaples D’Madalena. Prencipiará o suyo recorriu por o vico en a carrera Doctor Palomar y rematará en o parque an enchegarán a foguera a las 23 horas.

A las 20:30 horas actuará a Escuela Mataly de Danza Africana. A las 21h. prencipiará a ofierta mosical con 4bob (tributo a Bob Marley). A las 23.00 horas s’enchegará a Foguera de Sant Chuan a cargo de man d’os Diaples d’a Madalena. Dimpués de pretar-le fuego a la chera a las 23:15 horas tanyerá Drunken Cowboys y acabarán os actos con os ritmos chamaicanos de Dj Rastaul.

Dende a organización se ruega mantener escoscau o parque y no blincar a foguera por o periglo. Ta mas información sobre a resta d’actividatz d’a Semana Cultural d’a Madalena se puede trobar toda la programación en #www.scmadalena.com y en #www.facebook.com/scmadalena/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.