Iste cabo de semana se fa Lakuerter, a feria ibera de Andorra

Ye a tercer edición d'ista feria que remera o pasau ibero d'a redolada

 

Cartel d'a III Feria ibera Lakuerter
Cartel d’a III Feria ibera Lakuerter

Mientres iste cabo de semana, Andorra revivirá o suyo pasau ibero. Lakuerter, a feria ibera d’Andorra plega con a suya tercer edición plena d’actos.

O pasau ibero d’a redolada ye present, entre atros puestos, en o lugaron ibero que bi ha en Andorra. Lakuerter, o nombre d’a feria, viene de una parola que se trobó en una ceramica de El Castelillo de Alloza y que probablement estase un nombre de persona.

En a feria bi habrá toda mena de actos. Será a rematadera d’as chornadas de cocina ibera, que prencipioron o pasau 29 d’octobre. Tamién se ferá teyatro, desfiles, tallers, concursos…. y prou que un azoque, pues ye l’Asociación interpresarial Andorra – Sierra d’Arcos y l’Asociación Agroalimentaria Baixo Martín – Sierra d’Arcos qui organizan a feria.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.