Iste sabado “sin ropa y sin casco ta reclamar os nuestros dreitos”

A tradicional ciclonudista fa tretze anyadas en Zaragoza, a ciudat a on prencipió y que espardió ista forma de protesta a la resta d'o mundo, que ferá a decena convocatoria mundial

ciclonudista-2013Iste sabado 15 de chunio, a las 18.00 horas en a plaza d’Espanya, se celebrará en Zaragoza una nueva edición d’a marcha Ciclonudista, organizada por a Coordinadera de Colectivos Ciclonudistas d’Aragón. “Fa tretze anyos que empecipiamos a espullar-nos en Zaragoza amostrando as nuestras carrocerías a la resta d’usuarias d’a calzada, amostrando a nuestra frachilidat y reclamando os nuestros dreitos” sinyala a Coordinadera.

“Yeran atros tiempos y han cambiau as cosas pero hemos de continar luitando y pedaliando por l’uso d’a bicicleta en a calzada porque nos ne queda muito por consiguir y no’n tenemos brenca asegurau” adhiben.

Ciclistas urbanas de todas as edatz y condicions reivindicarán una ciudat mas habitable en a quala “l’auto no siga o protagonista, a on no s’impose a lei d’o mas fuerte, obligando-nos a fer servir o casco, creyando una falsa sensación de seguridat”. T’os colectivos ciclistas o casco no ye tant eficaz como mida de seguridat vial, y meten d’eixemplo as leis en vigor en puestos con una ampla afición a las dos ruedas como Holanda, Dinamarca y Alemanya a on no ye obligatorio. Istos colectivos fan alcordanza que ista imposición de fer servir o caso constituye una mida disuasoria ta l’emplego d’a bicicleta como medio de transporte, amás de dificultar a implantación d’a bicicleta publica.

“A reducción de l’uso de l’auto a traviés d’a promoción d’o transporte publico y a bicicleta amilloraría a nuestra calidat de vida y ye en a tuya man movilizar-te ta cambiar as cosas, empecipiar a pedaliar, a fer a riseta, a estar feliz…” indica a Coordinadera de Colectivos Ciclonudistas d’Aragón.

T’a cita d’o sabado a Coordinadera anima a trahier-ie “un casco ridiclo” y “reclamar os tuyos dreitos, en una experiencia que no ixublidarás”.

Fuent: http://arainfo.org/2013/06/este-sabado-sin-ropa-y-sin-casco-para-reclamar-nuestros-derechos/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.