IU Aragón refirma la chornada reivindicativa convocada por a Plataforma Unitaria contra a autopista electrica Monzón-Isona

A chornada se desembolicará o día 10 de marzo y bi acudirá Miguel Aso, Coordinador provincial y deputau d'IU por Uesca, asinas como atros cargos publicos y politicos de dito partiu.

(Foto: autopistaelectricano.blogspot.com)

Izquierda Unida d’Aragón empara a chornada reivindicativa convocada por a Plataforma Unitaria contra la autopista electrica Monzón-Isona que se desembolicará o día 10 de marzo, sumando-se asinas a o numeroso colectivo d’asociacions, partius y ciudadans que han manifestau ya refirmar a mesma. A l’acto acudirá en nombre d’a Presidencia de Izquierda Unida d’Aragón, maximo organo de dirección d’a coalición, o Coordinador provincial y deputau por Uesca Miguel Aso, asinas como atros cargos publicos y politicos d’IU.

Miguel Aso remera que a suya formación politica ha presentau diversas iniciativas parlamentarias en as institucións espanyolas y europeas en as quals ostenta representación a fin de frenar ista infrastructura, que considera que “chenera un innecesario impacto meyoambiental y no chenera garra beneficio, ni social ni economico, por as tierras por as qual pretende fer-se discurrir”. “Mas bien tot lo contrario, -contina Aso- porque s’hipoteca un territorio t’o suyo futuro desembolique con una infrastructura quala utilidat publica ye mas que dubdosa”.

D’a mesma traza, IU Aragón significa, especialment, l’impacto que chenerará sobre qualques especies protechidas como l’alica perdicera, o cluxiuesos u a milopa entre atros, que a suya mortandat por afeccións por linias electricas ye elevada u o feito que a mesma afecte a muit diversos espacios naturals protechius y d’intrés comunitario. “Amás, -advierte Aso- se pretende fer pasar l’Autopista electrica a menos d’un kilometro de quantas localidatz, o qual condiciona o desembolique futuro d’ixes municipios y, o que ye pior, suposa un grieu risgo t’a salut publica, tanto por a contaminación acustica d’as mesmas, como por a contaminación electromagnetica, dillá d’as afeccións sobre o paisache natural y o turismo con o qual muitos d’ixes municipios contan ta mantener as suyas economías”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.