IU celebra a derogación d’a “Ordenanza Civica” de Zaragoza

A Ordenanza yera fuent de polemicas por os regles contra as botelladas u as pinyoras t'a chent que meteba cartels con contenius politicos u socials

7 mayo, 2013 | Politica, Zaragoza | Autor: Arredol | Tweet

Jose Manuel Alonso , portavoz de IU

A colla municipal de Izquierda Unida, qui empentoron os tramites ta vulcar a “Ordenanza Civica” de Zaragoza, se ha felicitau por que ista lei se vaiga a derogar en os venients diyas. “Ye una buena noticia ta Zaragoza que, por a presión ciudadana y os poders que hemos feito dende a colla municipal, se vulque una normativa que yera redundant con atras ordenanzas y que as suyas pinyoras pasaban en qualques casos as marcadas por o propio codigo penal”, ha declarau José Manuel Alonso, portavoz d’a formación.

IU ha calificau de fracaso y de ineficacia as midas ta viedar as botelladas y creyen que no se abodó “de tot lo fenomeno dende una anvista educativa y de sensibilización d’os chovens”. Cuanto a las polemicas por os cartels ” a ordenanza que regula as actividatz publicitarias se ye aplicando nomás a asociacions, partius, sindicatos…. que se les mete pinyora terne que terne” entre que as interpresas publicitarias que s’adedican a apegar cartels comercials operan librement”, diz Alonso.

O portavoz d’a colla ha enrestiu contra o conceller d’o PP Eloy Suarez acusando-le de “prebar d’alarmar a los ciudadans fendo viyer que sin a Ordenanza Civica se crebaría a convivencia quan a realidat ye contrimostrando que no ye asinas”. “Qui creban o pacto social y enristen contra l’estau d’o bienestar son os dirichents d’o PP con as suyas politicas antisocials”.