IU demanda informacion sobre l’estau d’a Cartuja d’os Monegros

Izquierda Unida pide información a o Gubierno sobre o monesterio declarau en 2002 Bien d'Intrés Cultural

Torre d'a Cartuja

Torre d'a Cartuja

O grupo parlamentario de IU en as Cortz ha solicitau información a la consellera d’Educación y Cultura, Dolores Serrat, relativa a la situación d’a Cartuja d’a nuestra Sinyora d’as Fuents, conoixida coloquialment como a Cartuja d’os Monegros.

Se tracta d’un monesterio barroco d’o sieglo XVIII declarau en 2002 conchunto historico-artistico y Bien d’Intrés Cultural (BIC) y se troba en o termin municipal de Sarinyena.

L’edificio, denuncia IU, ye dende fa prous anyos en estau d’albandono por falta de mantenimiento d’os suyos lechitimos propietarios pero, igualment, por albandono d’as administracions competents.

Seguntes se i vei, l’estau de ruina creixe diya par de diya, o tellau y tamién dependencias d’o monesterio son en estau de ruina inminent que l’agüerro y l’hibierno pueden adebantar, asinas como afectar, seguntes denuncia IU, os murals pintaus por Manuel Bayeu.

Por tot ixo, Izquierda Unida reclama a o departamento aragonés d’Educación y Cultura que explanique as midas que ha adoptau en os zaguers anyos y as que piensa fer ta asegurar l’estau de conservación d’o monesterio y privar asinas o deterioro en que se troba. En a pregunta parlamentaria, tamién se fera mención a las intincions, u no, de Cultura de mercar o monesterio t’alzar o suyo patrimonio.

3 Rispuestas a IU demanda informacion sobre l’estau d’a Cartuja d’os Monegros

  1. el monasterio ya se cansa de tanta espera asta cuando …….ya el pobre pide agriyos ayuda se ve el solo en el suelo sin ayuda de ninguna clse vergonzoso lo que pasa pra unas cosas muchas leyes pra otras avandono total

  2. ayida pide agritos seve en el suelo ya vale donde esta esa ley que porteja dicho bien

  3. Pingback: El otoño del Cartujo | os monegros

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.