IU demanda o Bibliobús t’os vicos rurals de Zaragoza

Más de 3000 ciudadans no tienen biblioteca en o suyo vico

Biblioteca María Moliner

Biblioteca María Moliner

Más de 3.000 personas, habitadors d’os vicos rurals zaragozanos, no tienen hue una biblioteca en o vico suyo. Por ixo Raúl Ariza en representación d’Izquierda Unida ha exichiu a l’equipo de gubierno d’o Concello de Zaragoza, que o Bibliobús torne a funcionar en ixos vicos.

“Si as promesas de Jerónimo Blasco, de fer funcionar as bibliotecas de Parque Goya y Val d’Espartera, se fan realidat, o Bibliobús que les da servicio dica agora, puede reendrezar-se enta vicos rurals como Alfoceya, Chuslivol, Sant Gregorio, Torreciella de Val Madriz, Venda de l’Olivar, u Villarrapa, antimás d’os vicos de La Jota u Vadorrei, que encara que son en o nuclio urbano no contan con iste equipamiento” proposa IU. Manimenos, a formación creye que a devantadera d’a de Val d’Espartera se ferá más tarde, ya que Blasco prometió que s’ubriría ta chenero de 2014 y no bi ha garra noticia sobre ixo.

Ariza ha remerau l’articlo 44 d’a Constitución espanyola, a on que se diz que “os poders publicos promoverán y tutelarán l’acceso a la cultura, que totz en tien dreito”. A o conceller, “no le vale poder fer servir a biblioteca de Santa Orosia u María Moliner si vive a quince kilometros d’ellas”. Tamién ha remerau que o suyo partiu demandó que s’incluyise iste servicios en os pliegos d’a nueva contrata d’o transporte publico, demanda que a la fin no se atendió.

IU tamién demanda que torne a posibilidat d’o ampre interbibliotecario, un servicio que creye que “enriqueixe a las bibliotecas con menor variedat y fundo bibliografico, que no suposa un gasto significativo y que aprofitando as nuevas tecnolochías, con a posibilidat de que os usuarios consulten o catalogo online, ixampla l’horizont d’as bibliotecas más chicotas”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.