IU demanda que no se faiga o campo de golf d’Arcosur

'Os campos de golf son o paradigma d'a insostenibilidat' ha dito o portavoz d'a coalición

Jose Manuel Alonso (Foto: Wikipedia)
Jose Manuel Alonso (Foto: Wikipedia)

Jose Manuel Alonso, portavoz de IU en o concello zaragozano, ha proposau sacar d’o prochecto d’Arcosur o campo de golf ta ‘achiquir costes’. Seguntes o conceller, ‘a proposa de costruyir un campo de golf en Arcosur ye insostenible en terminos meyoambientals, economicos y tamién ciudadans’.

O campo de golf costaría un total de 30 millons d’euros. A proposa de IU ye de costruyir en ixe puesto un espacio libre arbolau parellano a la Pineta de Venecia. Ista actuación tendría ‘un baixismo coste’.

En a demba meyoambiental, Alonso ha remerau que un campo de gol ‘fconsume bells 500 millons de litros d’augua cada anyada, si fa u no fa, o consumo anyal d’una población de 13.000 habitadors’. Dende IU demandan ‘coherencia, ya que as reivindicacions contra o trascole criticaban l’emplego de l’augua de l’Ebro ta costruyir campos de golf en o Levant espanyol, que ye lo mesmo que se mira de fer en Arcosur.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.