IU demanda que se retire o plan de reestructuracoón de l’INAEM presentau por a D.Ch.A.

Exiche a l'Executivo un nuevo Plan que mantienga ubiertos os puntos de refirme y potencie con recursos os centros de Formación t'o Treballo

Luis Ángel Romero, de IU (Foto: IU Aragón)

Luis Ángel Romero, de IU (Foto: IU Aragón)

A colla parlamentaria de IU Aragón ha reclamau a lo Gubierno d’Aragón que retire o Plan de Reestructuración de l’INAEM y que, alavez, no zarre os centros de Formación ta l’emplego de Monzón y Fraga, igual como os puntos de refirme de Boltanya, Sarinyena y Graus y d’a oficina d’a carrera Turmo en Zaragoza.

IU fa ista reivindicación porque creye que “cal que as personas esqueferadas se formen ta trobar un nuevo puesto de treballo”. Por ixo han presentau una Proposición no de lei a on que tamién exiche a l’Executivo PP-PAR que presente un nuevo Plan que mantienga ubiertos os puntos de refirme y mesmo se considere potenciar-los, enamplando os suyos recursos economicos, materials y personals ta que puedan cumplir con a suya función social.

O portavoz d’emplego de IU en as Cortes, Luis Ángel Romero, ha remerau que o Plan de Reestructuración presentau por o Director Cherent de l’INAEM Jorge Escario” preba, seguntes as suyas propias parolas de “adeqüar a plantilla t’a nueva organización d’o treballo, atendendo a las nesecidatz y demandas d’agora y dotar a Aragón d’os recursos financiers que calen ta cimplir as funcions en a demba d’a intermeyación y emplegabilidat de qui demanda un treballo”. Manimenos, o plan fa trancar a debanditas oficionas de Boltanya, Sarinyena, Graus, Monzón, Fraga y Zaragoza.

Romero denuncia que “o Gubierno ha dau publicidat a iste Plan chusto un diya dimpués de conoixer-se as cifras de l’ature d’o mes d’octobre, que ha rematau con una nueva puyada de demandants de treballo. En o caso d’a provincia de Uesca, a on que son a más gran parti d’o centros que se zarrarían, a puyada ye de quasi 700 personas fendo un total de “16.315 ciudadans y ciudadanas uescanos que, querendo treballar, no pueden fer-lo “.

Seguntes a formación de cuchas, “ye de tot improcedent que, en a coyuntura economica d’agora” y con as cifras d’atura que bi ha, “se zarren os centros que sirven ta formar a qui ye esqueferau y ye mirando nuevas oportunidatz d’emplego, conseguindo atros conoiximiento que l’enamplen l’horizont de busca”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.