IU demanda zarrar bells cotos dimpués d’a muerte de d’un alica en Estadilla y as feridas d’unatra en Calanda

IU quier que os cotos se faigan responsables si bi apareixen especies protechidas muertas

Alica perdicera (Foto: Wikipedia)

Alica perdicera (Foto: Wikipedia)

A Colla Parlamentaria de IU en as Cortes d’Aragón presenta hue bellas iniciativas sobre a muerte d’un alica perdiguera en a Sierra d’a Carrodilla y a que apareixió con un tiro en un ala en Calanda, que ya no podrá vivir en libertat.

Miguel Aso, portavoz d’a Colla Parlamentaria “creye que ye muito grau que apareixca un alica muerta” y exiche aclarir as causas d’a muerte porque “puet haber-ie foscos intreses, neglichencia en l’administración, u cazataires por o mont que s’adedican a acotolar especies protechidas que les fan a competencia”.

O feito de que apareixcan especies protechidas muertas ye, seguntes o diputau, “cutiano, y más quan prencipia a puenda de caza, asinas que ye de dar que cal prener midas ta que istos feitos no queden impunes”. As midas que presentan quieren que en istos casos se faiga responsables d’os feitos a los cotos de caza y se zarren por a lo menos cinco anyadas los que bi apareixecan especies catalogadas muertas u feridas por accions humanas ilegals”.

Ta rematar, Miguel Aso ha sinyalau que “lo de menos ye a important cantidat de diners gastau en ista especie que se’n va ent’a vasuera. Lo important ye que somos debant de feitos que condicionan a presencia d’a rapinyadera más menazada que tenemos en a provincia y en Aragón”

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.