IU denuncia que centro d’interpretación d’a guerra civil de Robres contina trancau

O centro leva trancau tres meses, pero dende a redolada s'asegura que se reubrirá en no guaire tiempo

IU denunció ahiere o trancamient d’o Centro d’Interpretación d’a Guerra Civil de Robres ya que en a suya opinión, amás d’estar un important recurso de dinamización socioeconomica d’a redolada d’os Monegros, ye un d’os millors y mas documentaus centros d’estudios d’ixa epoca.

O cordinador de IU en Aragón, Adolfo Barrena, denunció amás que o centro leva tres meses trancau, encara que no s’ha informau adequadament, y mesmo amaneixca encara en a web d’a redolada d’Os Monegros con horarios de vesita. Seguntes un comunicau de IU o centro s’ha trancau por decisión de l’equipe de gubierno d’a redolada, nuevo dende as eleccions de mayo. “A dreita más rancia, caciquil y retrogada tranca iste centro que ye un homenache a la democracia, fundamental ta conoixer a nuestra historia y un claro alegato contra o faixismo”, denunció Barrena.

A coalición demandara explicacions en a redolada d’Os Monegros, en o Concello de Robres y a la consellera de Cultura ta prebar de resolver a situgación.

Dende a redolada d’os Monegros s’asegura que o centro se reubrirá en no guaire tiempo y que ye pendient de esviellar o convenio con o concello de Robres.

O centro se creyó en 2006 como complement a la ruta d’as trincheras d’Orwell, y estió financiau por o programa Leader europeyo, o programa Amarga Memoria d’o gubierno d’Aragón y a redolada d’os Monegros.

Una rispuesta a IU denuncia que centro d’interpretación d’a guerra civil de Robres contina trancau

  1. Pingback: Reubre (pero poco) o Centro d’interpretación d’a guerra de Robres | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.