IU exiche solucions ta quitar a Aragón d’a ringlera de l’ature

IU demanda a l'Executivo PP-PAR que albandone a politica de retalladas y empente o creiximiento y a creyación de treballos de calidat

inaemIU Aragón ha penau por o dato d’a puyada de l’ature que s’ha rechistrau en Aragón mientres o mes d’octobre y ha exichiu a lo Gubierno solucions de camín contra la “grieu destrucción de treballo que ye habendo-ie en a Comunidat nuestra”. O portavoz d’Economía y Treballo de IU en as Cortz, Luis Ángel Romero, ha remerau a preocupación d’o suyo partiu por l’emplego, “porque tenemos o penible merito de estar unas d’as comunidat autonomas a on que más puya mes par d’atro l’ature, con una puyada en octobre d’o 3,42 % debant d’o 1,8% d’o conchunto de l’Estau. Hue en Aragón bi ha 3.772 personas más que son pagando os efectos d’una crisi que ells no han chenerau”, ha adhibiu.

Remero ha declarau que “l’obchectivo primer d’o Gubierno habría d’estar creyar emplego. Manimenos lo unico que ha feito dica agora l’Executivo PP-PAR ye vender fumo con o Plan Impulso que viyemos que no ye que un papelot que no apanya o fracaso d’as politicas de Rudi y Bono en demba d’emplego y de reactivación economica.” En a suya opinión, “iste Plan ye un conchunto de titulars de prensa, pero no bi ha prebas d’a efectividat suya, y no deixa d’estar una nyapa a los presupuestos”.

As cifras de l’ature rechistrau en as oficinas d’emplego en octobre contradicen l’optimismo arrienda que, en zagueras, en fa bamba lo Gubierno d’Aragón”, sinyala Romero, qui adhibe que “no nomás no ne femos de que se destruigan puestos de treballo, sino a calidat de l’emplego que se creya, precario y con piors condicions laborals y de chornal”. Por ixo, IU Aragón exicge a l’Executivo PP-PAR que deixe de tot y ta cutio a politica economica de retalles, achustes y achiquir o gasto y encete politicas d’estimular a economía, o creiximiento y a creyación de treballo de calidat.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.