IU organiza una charrada sobre o TTIP en Tarazona

L'obchectivo ye explicar qué ye y cómo nos afecta

Izquierda Unida ha organizau una charra informativa sobre as negociacions que se son levando a cabo entre a Unión Europea y os Estaus Unius ta aconseguir un alcuerdo de libre comercio y inversions entre totz dos, conoixiu como TTIP. L’acto publico se ferá iste chueves, 2 de chunio, en l’Antiga Biblioteca Municipal de Tarazona (Pza. Sant Francisco) a las 19.30 horas.

Ista formación politica ha amostrau publicament a suyo “absoluto refus” a o Tractau de Libre Comercio y Inversions y recuerda que, entre atros afers, se ye negociando sobre aspectos regulatorios de sectors tant importants como enerchía, meyo ambient, agricultura y ganadería, servicios publicos, alimentación, propiedat intelectual, medecinas, industria, dreitos laborals y “l’emplego u a propia calidat d’a nuestra propia democracia”.

La charrada contará con Jesús García Usón, Coordinador Intercomarcal de IU Zaragoza, que ferá una introducción cheneral, con Javier Sánchez de UAGA y representant de Vía Labradora Europa, qui explicará de primera man cómo podría afectar o TTIP a o modelo agrario europeu y a la propia alimentación. Tamién será present Delia Lizana, Responsable d’a Secretaría d’Igualdat y Internacional de CCOO Aragón, que valorará as conseqüencias que tendría t’os dreitos d’os y as treballadoras y l’emplego si finalment se plega a sinyar l’alcuerdo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.