IU planteya ixamplar a ufierta de plazas en as escuelas infantils de Zaragoza

"En a escuela d'o Parque Bruil, por eixemplo, se podría ubrir una nueva vía" asegura Alonso

Jose Manuel Alonso, de IU (Foto: IU)

Jose Manuel Alonso, de IU (Foto: IU)

 

As institucions, y más que más os concellos, han de priorizar a guarancia de servicios publicos de calidat, como en son as escuelas infantils municipals, por dencima d’atras obligacions”. Asinas, o portavoz d’a colla municipal de IU, Jose Manuel Alonso, ha proposau d‘ixamplar a ufierta de plazas en as escuelas infantils municipals.

“A situación de crisi que viven muitas familias puet apanyar-se bell poco si s’amillora l’acceso ta istos centros que, antimás d’ufrir os estadars de calidat más alteros en o primer ciclo d’educación infantil, promoven a conciliación d’a vida familiar y laboral“, destaca o conceller.

“A gran demanda de plazas nos reafirma en a nuestra convicción de que cal ixamplar a ufierta de plazas publicas en a mida que o concello pueda”, considera o portavoz de IU. En iste sentiu, ha destacau que oprincipal reto ye d’identificar quals d’as 12 escuelas infantils tienen capacidat fisica t’acullir a nueva alumnalla, porque “como ya se contrimostró l’anyada pasada, si bi ha voluntat politica, podemos trobar personal qualificau en a plantilla municipal t’atender a la nueva demanda”.

En iste sentiu, Alonso ha apuntau que, por eixemplo, a nueva escuela infantil de Parque Bruil cuenta con espacio t’acullir una nueva vía, que atendese os tres rans d’o primer ciclo d’amostranza infantil.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.