IU presenta a suya proposa de lei de luengas

IU fa a suya proposa de lei de luengas d'Aragón en una esmienda a la totalidat a la nueva lei d'o gubierno PP-PAR

Anchel Conte y Adolfo Barrena hue. Foto: IU Aragón

Hue, o portavoz d’IU en as Cortz d’Aragón, Adolfo Barrena, y l’escritor aragonés Anchel Conte han presentau una esmienda a la totalidat a o nuevo prochecto de lei de luengas que quieren fer dende o gubierno aragonés PP-PAR con un nuevo texto alternativo. A nueva lei proposada por a DGA deixaría en una encara pior situación a las luengas propias d’Aragón. IU presenta a esmienda ta prebar de salvar l’aragonés y en refuse de l’anticatalanismo d’o gubierno aragonés.

IU proposa en a suya proposición a cooficialidat d’as tres luengas, pero nomás en os territorios a on se charren y en as zonas de recepción-transición, amás de permitir a la ciudadanalla dirichir-se a la administración publica en qualsiquiera d’as luengas. L’amostranza de l’aragonés y o catalán será obligatoria en as suyas respectivas zonas, asinas como en as zonas de recepción-transición.

Seguntes Anchel Conte “a lei presentada por PP y PAR incumple l’articlo 7 de l’Estatuto d’Autonomía, que emplaza a las Cortz d’Aragón a ‘fomentar a cooficialidat’, y niega o dreito d’os aragoneses a tener a suya luenga propia”. Amás “tampoco no reculle a obligatoriedat de l’amostranza de l’aragonés en os centros educativos, o que levará a la destrucción y a muerte d’ista luenga”. Conte tamién sinyala como responsable de que no se reconoixca a l’aragonés ni a o catalán a l’anticatalanismo existent y apunta a que “isto se debe a la error cometida por bells politicos d’amugar as luengas a os territorios, en cuenta de vinclar-las a os dreitos d’os ciudadanos”.

Adolfo Barrena considera que o prochecto de lei de luengas d’o gubierno aragonés “amputa atro dreito mas d’os ciudadanos, amás d’estar timida por estar alazetada en compleixos d’identidat”. IU ya votó en contra d’a encara lei actual por estar masiau feble.

Una rispuesta a IU presenta a suya proposa de lei de luengas

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.