IU presenta una propuesta t’o control de niedos de ciguenya

A población de ciguenyas podría plegar en as 1800 parellas actualment

Cigüenya en a ilesia de Alcoleya

Ciguenya enreligada en a ilesia de Alcoleya

Izquierda Unida presenta iste martes en a Comisión de Meyo Ambient de Cortz una PNL (Proposición no de lei) t’o control d’os niedos de ciguenya blanca. Con ella se quier empentar un programa que, contando con a participación de “as entidatz locals que pertoque y as asociacions conservacionistas” permita “achiquir o volumen y peso” d’os niedos, guaranciando a efectiva coexistencia d’a especie en os puestos a on que mete os niedos y, si calese, formar colonias artificials a on que no faiga chandríos en as infraestructuras humanas”.

A ciguenya blanca (Ciconia ciconia) ye a más gran au que mete niedos en o país. Dimpués d’un largo proceso de recuperación, a población podría estar d’arredol de 1800 parellas. Antimás d’os programas de protección, Miguel Aso, portavoz de meyo ambient de IU, sinyala que “a perda d’o caracter migratoria d’a ciguenya y a mayor cantidat de presas en fer-se funcionar nuevos reganos” han feito puyar o numer de ciguenyas. O diputau remera tamién que “ye una especie beneficiosa t’agricultura por a mena de presas que mincha”.

En zagueras, bells niedos, como los de Alcoleya d’a Cinca dencima d’a ilesia a on que se metió un chulet electrico que provocó bells accidents entre as ciguenyas, han ubierto lo debat sobre como compatibilizar o partimonio arquitectonico y os niedos d’iste au. En opinión d’Aso, “sacar os niedos no ye a solución más recomendable” y antimás “no gosa tener guaire exito en tender as ciguenyas a tornar a fer os niedos en os mesmos puestos.”

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.