IU presienta una iniciativa contra la privatización de l’hespital d’Alcanyiz

Izquierda Unida creye que as formulas de colaboración publico - privadas han contrimostrau o suyo fracaso.

Foto: Marea Blanca Alcanyiz

Foto: Marea Blanca Alcanyiz

A portavoz de IU en as Cortes Patricia Luquin presentará hue en as Cortes una Proposición no de lei ta que o Gubierno desestime ta cutio a opción d’a colaboración publico-privada en a construcción d’o nuevo hespital comarcal d’Alcanyiz, atendendo a “las demandas d’os profesionals d’o sector sanitario, d’a Plataforma en Esfensa d’os Servicios Publicos y d’as ciudadanas y ciudadans d’o Baixo Aragón Historico”. A proposición exiche que se guarencia “a suya execución con recursos propios” y que a titularidat y a chestión sigan publicas.

Luquin ha remerau que o conseller de Sanidat, Ricardo Oliván, leva anunciando, dende fa tiempo, a posible construcción d’o nuevo hespital d’Alcanyiz a traviés d’a colaboración publico-privada, “lo que suposa de feito la privatuzación de l’hespital”. “A falta de transparencia y foscor en toda la información relacionada con a suya construcción ye perén de man d’o Departamento, igual como las declaracions contradictorias feitas, d0’una man, o conseller, esfendendo a colaboración publico-privada t’a construcción de l’hespital como a unica posible, y d’atra, a Directora d’o Servicio aragonés de Salut, sinyalando que no s’heba decidiu encara a formula ta construyir-lo”.

O gran refús social y politico ta que se construiga con colaboración publico-privada ye una realidat”, adhibe, ta continar que “cal un nuevo hespital, pero que tanto de titularidat como de construcción y chestión diga dreita y publica. ”

Ta IU, a formula de colaboración publico-privada ha fracasau, y mete como eixemplo atros territorio como Madrit y Valencia a on que, seguntes Patricia Luquin, “a privatización d’a sanidat suposa fer negocio ta bells poquetz, con o dreito a la salut y ha quedau contrimostrau, con cifras y con feitos, que ista formula costa millons d’euros a las arcas publicas, y ni ye más eficient, ni más eficaz, ni más barata que a sanidat publica”.

Por tot ixo, Izquierda Unida demanda a lo gubierno en a iniciativa que prenga as midas y accions que calga ta licitar ista infraestructura basica fendo servir o modelo de achuste tradicional, destinando os 18 millons d’euros anunciaus por o Gubierno d’o “Plan Impulso” t’o Fundo de Continchencia a fer a 1er fase de construcción d’o nuevo hespital d’Alcanyiz, u bella partida parellana de qualsiquier atra ferramienta financiera con que cuenta l’Administración d’Aragón.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.