IU proposa a eliminación d’a taxa t’as asiociacións por l’emplego d’o Palau Montcada de Fraga

L'asambleya de IU Fraga considera que ista mida dinamizaría a vida cultural en a capital baixocinquenya

Xandru Sánchez (Foto: IU Aragón)

Izquierda Unida ha proposau t’o Concello de Fraga que elimine a taxa a las asociacións y entidatz sin animo de lucro por l’emplego d’o salón d’actos d’o Palau Montcada de Fraga fuera de l’horario laborable.

Actualment, si una asociación solicita disposar d’iste equipamiento cultural publico ha d’abonar 10 euros por cada hora si a francha horaria d’uso ye de luns a viernes a partir d’as 20.30h, os sabados a partir d’as 13.00h, y domingos y festivos a qualsiquier hora; a resta d’as franchas horarias ye gratuito.

“Entendemos que a gratuidat total d’iste important equipamiento t’asociacions y entidatz locals sin animo de lucro, dinamizaría a vida cultural fragatina, mientres que os horarios en os quals se cobra a taxa son precisament en os que mas personas pueden acudir a os diferents actos organizaus”, explica Xandru Sánchez, Coordinador de IU Fraga.

A o suyo entender, “t’a mayor parte d’as asociacións suposa un enorme esfuerzo o pago d’una taxa por l’uso d’un equipamiento publico que se mantiene con os diners de totz”.

“Entendemos tamién, -contina Sánchez- que os equipamientos publicos son un bien que ha d’estar accesible ta totz os ciudadáns y, por ixo, s’ha d’empentar l’uso d’os mesmos sin que o pago d’una taxa supose una dificultat adhibida u un impedimento ta ista utilización”.

Una rispuesta a IU proposa a eliminación d’a taxa t’as asiociacións por l’emplego d’o Palau Montcada de Fraga

  1. Pingback: IU proposa a eliminación d’a taxa t’as asiociacións por l’emplego d’o Palau Montcada de Fraga | Arredol - La Franja

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.