IU refusa as actividatz taurinas en as fiestas d’o vico zaragozano de Miralbueno

O vico incluye en a programación de fiestas una suelta de "vaquillas" y un "Toro de ronda"

Raul Ariza, conceller de IU

Raul Ariza, conceller de IU

Izquierda Unida ha refusau que se incluigan un Toro de ronda y as “vaquillas” aintro d’o programa d’as fiestas d’o vico zaragozano de Miralbueno. A colla municipal s’ha feito eco d’una queixa d’os vecins porque se faigan ista mena d’actividatz y ha rechistrau una interpelación a la consellera de Servicios Publicos d’o Concello de Zaragoza, demandando-le que informe sobre como s’autorizau y se comprebe si se cumple a normativa aragonesa que le pertoca a ista mena d’actos.

Raúl Ariza, en nombre de IU, ha recordau que a suya formación ye en contra de que se celebren ista mena de espectaculos, y sinyala que en o caso de Miralbueno “encara nos fa más refús porque dende fa quince anyadas no se programan, por lo que no son actos enradigaus culturalment y a etiqueta de acto popular tradicional queda descartada como tramoria ta celebrar-lo”.

IU tamién creye que l’autorización d’o Toro de Ronda podría incumplir o Decreto d’o Gubierno d’Aragón, que especifica que cal que bi haiga una tradición enradigada ta que se celebre y indica que s’ha d’empachar o maltracto animal, igual como qualsiquier atra actiación que pueda ferir a sensibilidat d’os espectadors, “requisito imposible de cumplir en o Toro de ronda, ya que o maltracto psiquico y fisico ye inevitable y evident”.

Os actos con animals son programaus en Miralbueno os diyas 29 y 30 d’agosto. T’o conceller de IU “ye penible que en una ciudat, pionera contra o maltracto animal como en ye Zaragoza, se celebren ista mena d’espectaculos que no contribuyen a lo desenrollo y progreso social y cultural d’os nuestros vicos.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.