IU refusa o “repago” hespitalario que s’implantará a la fin de chenero

Demanda a Oliván que faya como atros territorios gubernaus por o PP y demande anular a mida.

Hespital d'Alcanyiz

Hespital d’Alcanyiz

Izquierda Unida refusa o “repago” hepistalario que o Gubierno d’Aragón ha previsto implantar ta cabo de mes y que podría afectar a 43 medecinas en 157 presentacions destinaus a pacients cronicos grieus de malotias como cancer u hepatitis, no hespitalizaus que habrían de pagar un 10% d’o pre d’istas medecinas.

T’a portavoz de Sanidat de IU, ye “incompresible que una mida tan “inchusta, insolidaria y insensible y que penaliza a personas en situación muito vulnerable, como en son as personas con malotias cronicas grieus, no nomas no haiga teniu respuesta de man d’o Gubierno PP-PAR sino que s’haiga anunciau que Aragón será la comunidat con a dubdosa honor d’estar a primer en implantar ixe “repago” hespitalario“.

Atros territorios han demandau no aplicar ixe “repago” , como ye o caso de Castiella y Leyón, que ha presentau un recurso contencioso-administrativo debant d’o Tribunal Superior de Chusticia de Madrit ta vulcar u anular a mida. Atros territorios como a Comunidat autonoma vasca, Andalucía u Canarias, tamién son prenendo midas legals contra o “repago”.

IU ferá una pregunta en as Cortes endrezada t’o Conseller de Sanidat, Ricardo Oliván, demandando-le que explique porque no se niega, igual como fan atros territorios, “a implantar o copago de medicamentos hespitalarios”.

Ista mida, seguntes Luquin, afecta de traza muito grieu a prencipios basicos d’o dreito constitucional a la salut como l’accesibilidat, a universalidat y l’atención integral de baldes d’a salut. “O Gubierno PP-PAR se suma asinas a ixa corrient neoliberal que traviesa Europa en materia sanitaria implantando o “repago”, porque o sistema publico sanitario ye financiau con os impuestos y, alavez, adhibir-le más costes, suposa pagar más”, remata la diputada.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.