IU refusa puyar o gasto publico en o nuevo tarabidau t’a ofrenda d’os Pilars

A nueva infraestructura permitiría que os ciudadans fesen fotos dende o cobalto d'o tarabidau. Costaría 50.000 euros d'os diners publicos

Imachen d'a figureta d'a virchen en os Pilars de 2012

Imachen d’a figureta d’a virchen en os Pilars de 2012

A colla municipal de IU, a traviés d’o suyo portavoz José Manuel Alonso, expresoron iste miercols o suyo refus ta que o Concello financie a reforma d’a estructura t’a ofrenda de flors t’a Virchen d’o Pilar en as Fiestas de Zaragoza d’iste anyo. Ista puyada d’o presupuesto ye por os cambios que se ferán en a estructura ta que os ciudadans puedan puyar-ie ta fer fotos dende o cobalto d’o puesto a on que se meterá a estatua d’a Virchen. O pre d’o nuevo tarabidau será d’arredol de 50.000 euros.

“Ista mena d’inversions son un luxo que no cal en tiempos de crisi – ha planteyau Alonso – y que, en tot caso, no habría de financiar o Concello de Zaragoza. Debant d’as declaracions de l’arzobispe de Zaragoza, Manuel Ureña, qui ye “muito satisfeito porque a chent pueda estar más amán d’a virchen” y qui remeró que se tracta d’un “acto relichioso”, IU l’ha convidau a patrocinar a instalación en estar un acto festivo de naturaleza catolica”. Sin negar tamién un caracter popular d’a ofrenda, Alonso creye que “a Ilesia Catolica habría d’estar qui subvencionase ista mena d’actos“.

“Si continamos asistindo a ocurrencias como istas, lo más prebable ye que os concellers de IU nos abstengamos quan toque de votar o presupuesto d’as fiestas d’o Pilar 2013″, ha rematau Alonso.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.