IU y CHA apreban fer una candidatura de conchunta ta o 20-N

As dos formacions consideran que mancan trangos que dar ta formalizar una lista conchunta y se marcan una calendata

Nieves Ibeas y Adolfo Barrena en rueda de prensa conchunta (FOTO: nievesibeas.wordpress.com)

Nieves Ibeas y Adolfo Barrena en rueda de prensa conchunta (FOTO: nievesibeas.wordpress.com)

O diya 4 d’octubre ye o diya sinyalau en o calendario como buega ta fer efectivo l’alcuerdo dentre CHA y IU ta presentar una candidatura de conchunta ta las eleccions espanyolas d’o 20-N. Ista candidatura habría de sinyar-se por os dos partius con ripresentación parlamentaria d’a cucha aragonesa y completaria o mapa politico d’as eleccions, chunto con l’atra candidatura bipartita PP-PAR, y a d’o PSOE, amás d’atras candidaturas que puedan presentar-se’n.

O consello politico d’IU ha estau o primer en fer publica a suya decision. Con tres abstencions, han esplanicau que “Aragón amenista una converchencia social y politica d’a cucha”, y han dixau en mans d’un nuevo Consello politico o diya 4 d’octubre aprebar a coalicion, de la que encara no se sabe a composición.

IU tamien dixa esclatero en o comunicau que cadagun d’os integrants d’a coalición alza a suya identidat y presonalidat, y tamién que a coalición tien u tendra autonomia debant as estratechias electorals, por exemplo, de IU federal.

CHA adempribia a candidatura conchunta d’una manera “coyuntural”

O Comite Nacional de CHA, con un 80% de votos a favor, también s’ha amostrau favorable a fer una candidatura de cuchas unitaria con IU y movimients socials. Ta la presidenta de CHA, Nieves Ibeas, lo más important “ye que l’aragonesismo politico de cuchas tienga una voz propia en Madrit”.

Atamás d’o refirme d’o Comité Nacional, Ibeas ha quiesto dixar platero que “nomás ye un trango entabant” y que encara quedan cosas por fer. En o documento aprebau CHA esplanica que l’aragonesismo y la cucha son os alacetz d’ista candidatura. A partir d’agora estará o Consello Nacional d’o partiu que fer as reunions con l’atra parti ta concretar listas y estratechias.

Rilacionada: Enemigos intimos por Gonzalo González

Vota en a nuestra encuesta

3 Rispuestas a IU y CHA apreban fer una candidatura de conchunta ta o 20-N

  1. heba leyiu que se baraixaban nombre como lo de Pedro Arrojo ta encabezar a lista… ¿se’n sabe cosa?

  2. Ye un d’os que empentaban a plataforma por a candidatura conchunta…atra cosa ye que siga candidato. Yo apuesto por una istoria tipo europeyas. Numero un de CHA, dos d’IU y si no quitan dos, a meyaus de lechislatura dimite un y pasa atro.

  3. No me cuaca a ideya dir a Madrit sin atras siglas que CHA, meta e meta ye o chusto.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.