“Ixe maldau silentium”, teatro en aragonés en l’Almozara

Torna a representar-se, ista vegada en o Centro Civico de l'Almozara ista obra de teatro en aragonés sobre a zaguera nueit de Chuan de Lanuza

maldau silentiumIsta tarde a las 19:30 h. en o Centro Civico de l’Almozara de Zaragoza se realizará una nueva representación d’a obra “A capiella de Lanuza. Y agora qué?”, que en ista ocasión cambea de nombre por “Ixe maldau silentium“, que narra a zaguera nueit en a garchola de Chuan de Lanuza antes d’estar executau por orden de Felipe I d’Aragón (II de Castiella).

A obra ye en aragonés y encara no ye acabada. Ye ubierta a la participación de qui quiera, prou que, con sensibilidat ent’a luenga aragonesa. O pasau 23 d’abril ya se fació una representación en o Centro Civico Río Ebro con buena acullida entre o publico, y s’aspera que pueda representar-se de raso o venient 20 d’aviento, coincidindo con o cabo d’anyo de l’asesinato de Chuan de Lanuza.

A obra no ye feita por profesionals y cuenta en a suya dirección con Luis Bitria (actor y director de teatro), y en o reparto con Cherardo Callejón (Chuan de Lanuza), Julia Cortés (Isabel), Juanjo Pérez (Argensola), Chesús Cavero (Beltrán), Daniel Ezquerra (Ximénez y Capitán Velasco), Pilar Martín (A Muerte en o Teatro) y Luis Bitria (Actor Viachero).

Se i cuenta con bells textos de Miguel Hernández y Federico García Lorca traducius a l’aragonés, y con a obra se quiere dar puesto a la luenga aragonesa como “vehíclo de cultura y comunicación”, o qual se niega dende as institucions.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.