Jaume Matas, condenau a seis anyadas de prisión por o caso Palma Arena

El jutge el considera culpable de frau, falsedat, prevaricació i tràfic d'influències

20 marzo, 2012 | Politica | Autor: Arredol | Tweet

O tribunal d’a sección primera de l’Audiencia de Palma ha condenau hue a Jaume Matas a seis anyadas y dos diyas de prisión, seguntes a sentencia feita publica d’o primer chuicio d’o caso Palma Arena. Ye estau condenau por fraude a l’administración, falsedat documental, prevaricación y trafico d’influyencias por haber favoreixiu entre que yera president, a lo periodista Antoni Alemany, pagando-le 48.000 euros publicos de traza irregular; Alemany, antimás, fació campanya a favor suya dende as pachinas d’a depeixa El Mundo. Matas ha quedau absuelto de malversar diners publicos y agora puet recurrir a setencia a lo Tribunal Supremo Espanyol.

Alemany ye estau condenau a tres anyadas y nueu mese de prisión. A fiscalia anticorrupción demandaba hue ueito anyadas y meya y vintiseis anyadas de inhabilitación ta Matas y siet anyadas y tres meses de prisión t’o periodista Antoni Alemany. En o caso d’alemany, se le condena por os delitos de prevaricación, falsedat de documento oficial, falsedat de documento mercantil de conchuna con uno de malversación y trafico de influyencias.

Antimás, tamién s’ha condenau a una anyada y meya de prisión a Joan Martorell, ex-director cheneral de comunicación y a más d’una anyada a Miquel Romero, director de l’achencia de comunicación Nimbus.

Jaume Matas estió Ministro de Meyo Ambient d’o gubierno espanyol entre 2000 y 2003 quan se fació o PHN y President d’as Balears entre 1996 y 1999 y dende 2003 dica 2007.