Javier Hernández aconsigue unatra minima ta las Paralimpiadas

Javier Hernández, en a piscina (Foto: Alfonso Reyes)

Javier Hernández, en a piscina (Foto: Alfonso Reyes)

A piscina d’o Stádium Casablanca de Zaragoza estió amuleto ta Javier Hernández, que aconsiguió aturar o crono en os 50 metros espalda en 57.17, nueva minima B y que le convertiría en finalista olimpico seguntes o ranking de 2011. Con ista marca, ya son dos as opcions de participación d’o nadador d’Aragua en os Chuegos Paralímpicos de Londres, os 50 espalda y os 150 metros estilos.

A vida te gosa conceder segundas oportunidatz. Y Javier Hernández solament ha habiu d’asperar seis diyas t’a suya en os 50 espalda. O sabado, en a piscina d’o Stadium Casablanca de Zaragoza, o nadador zaragozano realizó una magnifica preba y esclató o crono en os 50 espalda ta aturar-lo en 57 segundos y 17 centesimas. Dos segundos millor que a semana pasada en Castellón, mas d’un segundo d’esconto en a minima B dexichida y un tiempo que hese suposau una carrera en a final paralimpica contando os millors cronos de 2011. Ta aplaudir.

O nadador d’Aragua ya acumula dos minimas B t’os Juegos Paralímpicos de Londres. Si a lograda en Castellón suposaba a sexta millor marca mundial de 150 estilos contando os tiempos de 2011, os 57.17 d’o sabado en 50 espalda suposarían un puesto en a final paralimpica. Manimenos, a decisión final de levar a Hernández a os Chuegos Paralímpicos de Londres dependerá d’o seleccionador espanyol Laureano Gil..

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.