José Manuel Blecua proposau t’a Medalla d’oro d’a ciudat

O concello zaragozano ha dau tamien os nombres d'os candidatos a Fillos Predilectos y Adoptivos.

José Manuel Blecua, director d'a RAE

José Manuel Blecua, director d'a RAE

L’Alcalde de Zaragoza, Juan Alberto Belloch, ha proposau a José Manuel Blecua, president d’a Real Academia Espanyola, Medalla d’oro d’a ciudat.
Dita Medalla, que s’entrega en un acto oficial como antesala d’as fiestas d’o Pilar, se tracta d’un galardón que distingue a las personas que constituiguen un ixemplo por a suya trayectoria humana y profesional.

Tanto a Medalla d’Oro de Zaragoza 2011 como as proposas de Fillos Predilectos y Fillos Adoptivos de Zaragoza, s’aprobarán en pleno ordinario.
O candidato a la Medalla d’oro d’a ciudat, José Manuel Blecua Perdices, ye natural de Zaragoza, encara que ye afincau en Barcelona y dentró en o sillon “H” d’a Real Academia Española (RAE) en 2006. En 2010 estió eslechiu president d’ista Institución.

Blecua, que ha feito esfensa d’as luengas no mayoritarias como lo catalan con declaracions como ” O catalán ha de sobrevivir. No se tracta de vivir, sino de sobrevivir y a inmersión lingüistica ye d’as pocas cosas que le dixa fer-lo”, ye l’autor d’una ripa de diccionarios, gramaticas y diferents treballos de Filolochía.

Os atros premios que s’entregarán en l’acto oficial son os de Fillos Predilectos y Adoptivos.
Como candidatos a Fillos Adoptivos se troban Roberto Barreneche Alzuguren, que leva quaranta anyos a o frent d’a parroquia d’o Carmen, an que desenvolica labors d’acullida y intervención social, a más que atiende as necesidatz de birolla de muitos zaragozanos y traseuntes; atro candidato ye Agustín Sánchez Vidal, catedratico d’Historia d’o Cine y atros meyos audiovisuals en a Universidat de Zaragoza, specialista en a obra de Bunyuel.

Os posibles Fillos Predilectos son l’actor y hostelero Emilio Lacambra Manzano, esencial promotor d’a vida cultural zaragozana y a Federación Aragonesa de Solidaridat, NGO de Cooperación a o Desenvolique y Colectivos de Solidaridat d’ambito aragonés.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.