José Manuel Soria confirma a fin d’os incentivos t’o carbón en 2014

A noticia ha causau fuerte impacto en as redoladas mineras. Sindicatos y partius prenerán midas ta luitar contra zarrar as minas y centrals termicas

O ministro, con a presidenta y o delegau d'o gubierno espanyol (Foto: D.Ch.A.)

O ministro, con a presidenta y o delegau d’o gubierno espanyol (Foto: D.Ch.A.)

Nueva mala noticia t’ sector minero teruelano, que ha ascuitau de boca d’o ministro espanyol de Industria, José Manuel Soria, a confirmación de que en 2014 se rematarán as aduyas ta cremar carbón autoctono en as central electricas estatals. Una decisión que, ha esfendiu o ministro, ye vichent dende l’anyada 2010. “Ye una decisión de l’anyada 2010, y ixe reyal decreto lo que estableix ye que as aduyas s’acotolan t’aviento de 2014”, ha asegurau o responsable d’Industria.

Con iste anuncio se cumplen as piors previsions t’as cuencas mineras aragonesas, que levan meses en luita ta mirar de que no se remate a suya actividat. Manimenos, dende o Ministerio d’Industria se ha feito un important poder en remardar que a unica decisión que se ha preso ye de “levar dica la muga” los incentivos por cremar carbón. Ye decir, as centrals electricas ya no tendrán guaranciau un pre por cremar carbón autoctono, aduyas cifradas en 450 millons ta 2012 y 2013.

Cara t’o futuro, o Gubierno diz que ye treballando ta mantener ubiertas instalacions rendibles en 2019, a calendata tope que ha meso a Unión Europea ta zarrar as centrals que no sigan rendibles. Ta Soria ye “una novedat important”. “Si bi ha explitacions mineras que puedan estar competitivas sin que les calgan aduyas a partir de 2019, ¿por qué habrían de zarrar?”. ha declarau.

ReaccionsComo yera d’asperar l’anuncio ha orichinau reaccions quasi de camín en Aragón. Un a d’as primers formacions politicas en anunciar as suyas intencions ye estada Chunta Aragonesista (CHA) que ferá servir a figura de Chesús Yute, diputau d’a “Cucha d’Aragón” en o Congreso, ta demandar a intervención de Soria.

Ta Yuste, a fin d’as aduyas ye un “trucazo mortal” t’as Cuencas Mineras que suposará antimás un futuro más que incierto t’as redoladas aragonesas que dreitament u indirecta, viven d’iste negocio. D’atra man, han destacau o feito de que o Gubierno haiga anunciau a fin d’as aduyas “sin ufrir ni una sola alternativa t’o desembolique d’istas redoladas”, a on que, ha remerau “ni antis PSOE ni agora PP han construyiu alternativas que no faigan d’o carbón a principal fuent economica”.

Fuent: http://www.aragon2.net/n-20533-2-Jose_Manuel_Soria_confirma_incentivos_carbon_2014

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.