Kimberly-Clark cede as suyas instalacions y terrenos a o Concello de Calatayut

A interpresa y o Concello de Calatayut sinyarán l'acuerdo de donación d'as instalacions y terrenos d'a multinacional

Planta de Kimberly Clark (Foto: CCOO)

Planta de Kimberly Clark (Foto: CCOO)

A interpresa Kimberly-Clark, que s’adedicaba en Calatayut a la fabricación de baldenyos, y que trancó en mayo, sinyará maitín chunto a l’alcalde d’a ciudat a escritura de donación d’as instalacions y terrenos d’a interpresa, a coste zero. Os terrenos y instalacions son valuraus en 6,6 millons d’euros. Os terrenos cuentan con 92.000 metros quadraus que contienen dos fincas industrials y una superficie edificada de 16.000 metros quadraus.

A multinacional decidió de deixar a fabricación de baldenyos y cambeó a suya estratechia de negocio en Europa, pues no consiguió que a fabricación de baldenyos estase rentable y decidió de buscar productos con un mayor potencial, o que forzó a meter en venda a fabrica. Dimpués de no trobar compradors, Kimberly-Clark zarró a mitat de mayo. A decisión deixó a 208 personas sin treballo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.