La Academia de la Llingua y o colectivo educativo se unen ta reclamar a oficialidat de l’asturiano

Os gran sindicatos d'amostranza, o d'estudiants y asociacions de pais claman a los partius asturianos a plegar en un consenso y fer una fuella de ruta.

Representants (Foto: Kaos en la red)

Representants (Foto: Kaos en la red)

O esbruixallo d’a clamada “Ley Wert” enchegó as luces d’alarma, pero l’alcuerdo lograu por o gubierno d’Asturias ye lo que ha feito que os sindicatos d’amostranza Suatea, CCOO y FETE-UGT se unan a os d’estudiants y a qualques organizacions de pais d’alumnos con un obchetivo comín: trobar una solución finitiva t’a escolarización d’os estudiants que quieran estudiar luenga asturiana. Baixo lo bateaguas de l’Academia de la Llingua, o miercols feban publica a suya postura comín ta “trasladar a o Partiu Popular, a los Gubiernos de Espanya y Asturias, a las fuerzas politicas d’a Chunta Cheneral d’o Principau y a tot lo pueblo asturiano a nuestra preocupación y exichencia d’una solución efectiva t’a escolarización de l’asturiano”.

Reconoixen que no representan a toda la sociedat asturiana, pero sí se sienten “una parti important d’a comunidat educativa y queremos que se nos ascuite en uns momentos que pueden estar decisivos t’a supervivencia d’a luenga y cultura asturianas”, avisan. Son convencius de que iste problema y atros como l’emplego d’a luenga asturiana en l’administración, en os meyos de comunicación publicos u en a toponimia – totz han chenerau polemica en as zaguers calendatas – “tienen o suyo orichen en a manca de reconoiximiento churidico de l’asturiano como luenga oficial, por lo que reclamamos ixe estatus churidico d’oficialidat, entendendo que ista ha d’adaptar-se a la realidat social y economica d’Asturias, parando cuenta tamién d’a nuestra tradición cultural y sociolingüistica”. Reclaman, a la finitiva, “un consenso politico amplo que defina las caracteristicas que ha de tener a oficialización d’a luenga, as suyas fases d’aplicación y os recursos que, parando cuenta d’a situación actual de crisi, pueden endrezar-se ta ixa fin”. Una fuella de ruta ta un asturiano oficial.

Exichen asinas mesmo “mesmo con más empente” que os redactors d’a Lei Organica de Amillora d’a Calidat Educativa, a “Ley Wert”, “sigan conscients de que Asturias tien una luenga propia que, a tamás de no estar cooficial, sí tien reconoiximiento churidico como luenga, antimás de pleno caracter curricular, y que ye estando estudiada por miles d’estudiants en as zaguers decadas. Con isto en ment, l’asturiano habría d’ufrir-se como una más d’as atras arias lingüisticas, y no pas como una simpla optativa”, demandan. En a opinión suya, “ye inadmisible qualsiquier tractamiento legal que rebaixe l’actual estatus escolar de l’asturiano”, y demandan más horas ta que se imparta, que tienga caracter de aria, y que se cheneralice en totz os centros. “Nos feremos sentir astí a on que calga“, alertan as institucions que i sinyan.

 

Fuent: http://www.kaosenlared.net/component/k2/item/44756-la-academia-de-la-llingua-y-el-colectivo-educativo-se-unen-para-reclamar-la-oficialidad-del-asturiano.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.