La “Boca de lo Infierno” chunta a más de 250 corredors

A corrida, de 25 kilometros, fa a suya VII edición

cartelO club Asamún, de Echo, celebra iste domingo a VII edición d’a corrida de montanya “Boca de lo infierno”.  Más de 250 corredors participarán en ista preba que fa puntos t’a Copa d’Aragón y t’o campionato de clubs d’a Federación aragonesa de montanya.

O recorriu surte dende a Selva d’Oza por o camín viello y puya dica o refuchio de Gabardito. Dimpués baixa dica a parti de Santa Ana ta tornar por a calzada romana dica o empecipiallo. En total bi ha un desnivel acumulau de 1500 metros por lo que ye una preba prou fura.

Antimás s’han feito atras actividatz paralelas ta qui quiera participar-ie d’atras trazas. Se ferá una corrida más chiqueta, de 15 kilometros y sin puyar ta Gabardito ta qui quiera. T’as categorías infantil, cadeta y chovenil se ferá un cross o sabado por os arredols d’Echo y t’os más chiquetz por as carreras d’o lugar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.