La Boheme, de Puccini, plega en o Principal de Zaragoza

A companyía Opera 2001 la representará os diyas 6 y 7 de marzo

Cartel d'a representación de 1896
Cartel d’a representación de 1896

La Boheme, a opera más famosa de Giacomo Puccini, plega en Zaragoza o venient 6 de marzo. A companyía Opera 2001 será a encargada de representar-la, con un coro de 35 personas y a mosica d’a orquesta sinfonica de Pleven (Bulgaria).

La Boheme ye basada en a novela Scenes de la vie de la Boheme (1847-1849) de H. Murger. Recenta a vida de bells chovens artistas d’o vico latino de París que son plenos d’ideyals y d’asperanzas y que concaran as chicotas y grans dificultatz d’a vida.

A obra se representará en o Teyatro Principal nomas dos vegadas, os diyas 6 y 7 a las 20.00. Tien una duración de 2 horas y 45 minutos trestallada en quatre actos. O pre d’as dentradas va dende os 6 dica os 41 euros, pendendo d’a localidat.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.