“La Colaboradora”: un espacio a on que compartir servicios de traza voluntaria

O prochecto ye endrezau ta emprendedors, freelance, ONGs, autonomos y creyativos

logoIste lunes ha prencipiau o plazo t’apuntar-se ta “La Colaboradora”, un espacio fisico situau en Zaragoza Activa a on que se podrán compartir servicios y treballos de traza voluntaria. Cada miembro d’ista iniciativa meterá a o servicio d’a resta os suyos conoiximientos t’amillorar as actividatz profesionals d’os companyers. Por eixemplo, s’ufrirán ta creyar una web, traducir textos u dineyar logotipos. La Colaboradora, ye endrezada más que más a emprendedors, freelance, autonomos, ONGs u creyativos.

Totz os servicios feitos tienen a mesma valor y se mide por horas de treballo. Cada miembro d’a comunidat habrá d’intercambiar un minimo de ueito horas a o mes y os intercambios tienen reciprocidat indirecta, ye decir, que un miembro puet fer un servicio a un atro y dimpués fer servir o tiempo que ha ganau con atro miembro diferent.

Unir-se-ie no tien garra coste economico. L’unico requisito son as ueito horas minimas a o mes d’intercambio d’ideyas y servicios. Podrán demandar estar-ie todas as personas fisicas que tiengan un prochecto interpresarial, social u creyativo (no cal que ya siga funcionando) y os miembros d’o Semillero de Ideas, Vivero de Emprendedores y miembros de la Red de Economía Creativa Made In Zaragoza. T’apuntar-se-ie cal presentar-se en as oficinas de Zaragoza Activa en A Zucrera.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.