‘La gossa sorda’ tanye por primer vegada en Aragón

Actuarán chunto con Zarrakatralla Folk en l'Arena Rock de Zaragoza iste viernes

cartelAs XIX chornadas d’as luengas d’Aragón, organizadas por l’A.C. Nogara, continan iste viernes con un concierto que prencipiará a las 21:00 en a sala Arena Rock d’a zaragozana Plaza Utrillas.

Por primer vegada en Aragón, La Gossa Sorda tanyerá cantas d’os suyos quatre discos editaus dica agora. Ista colla valenciana leva dende 1999 fendo servir a suya luenga ta fer unas letras firme comprometidas con a tierra y a luenga y con muita carga reivindicativa. O suyo estilo mezcla o soniu de donzainas con guitarras electricas y va dende o punk dica o ska, con partis de reggae, rap u folk.
Antimás, dende Exeya (Cinco Villas) plegará a colla Zarrakatralla Folk, qui presentarán o suyo primer disco con un soniu de folk fusión. Ista colla estioron nominaus en os zaguers Premios d’a Mosica Aragonesa t’o premio t’a millor canta en luenga minorizata.En rematar o concierto a borina continará con a mosica punchada por 3lam3ntables Dj y Perkins Barreiros Dj Team.
As chornadas tendrán o suyo zaguer acto o maitin d’o sabado, dende as 11:30 en a Plaza Asso, con una clase d’aragonés, un recital de poesía, chuegos y un socalce ta tot qui se i pase.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.