La Loteta Sports asume temporalment a chestión d’a Canal d’Auguas Furas de Zaragoza

A interpresa concesionaria titular ye en proceso de liquidación, por lo que o Concello ha prencipiau os tramites ta un nuevo concurso

A canal (Foto: Cronica d'Aragón)

A canal (Foto: Cronica d’Aragón)

A interpresa La Loteta Sports, con base en l’entibo d’o mesmo nombre, y especializada en esportes d’aventura y augua, ha sinyau l’achuste temporal por que s’autoriza la chestión y explotación d’a Canal d’Auguas Furas d’o Parque de l’Augua de Zaragoza. Se tracta d’una solución temporal que apanya o vuedo chenerau por o proceso de liquidación interpresarial a on que se troba a interpresa concesionaria titular, Murillo Rafting SL, que l’empacha d’asumir a chestión d’ista infraestructura.

La Loteta Sports s’encargará de camín y dica lo venient 30 d’octubre d’a explotación d’a Canal d’Auguas Furas. Ixe diya rematará la cesión temporal d’a concesión alcordada  con o liquidador chudicial asignau t’o caso. Ye previsto que iste mesmo cabo de semana torne l’actividat t’a Canal, igual como la prestación d’a resta de servicios que se veniban ufrindo de man de l’anterior concesionario en as zaguers anyadas.

Todas las reservas confirmadas d’antes d’iste cambio de concesionario se ferán en as mesmas condicions achustadas y se guarencia lo normal funcionar d’a infraestructura. D’a mesma traza, os clubs de piragüismo podrá continar fendo parti d’as actividatz y mesmo no se descarta d’ixamplar-las.

O Concello de Zaragoza, d’atra man, ya ha escomencipiau os tramites administrativos y churidicos que calen t’a convocatoria d’un nuevo concurso publico que permita adchudicar una nueva concesión d’a infraestructura ta que, en completar-se ista puenda temporal de chestión, un nuevo concesionario pueda prencipiar a chestión y explotación de traza estable.

 

Fuent: http://www.cronicadearagon.es/wordpress/?p=48752

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.