La Pantera Rossa aculle un Taller de creyación literaria en dotze sesions

O taller ye endrezau tanto a qui quiera prencipiar en a creyación literaria como a qui quiera afundar en tecnica narrativas

Óscar Sipán y Mario de los Santos

Óscar Sipán y Mario de los Santos

La Pantera Rossa recibe unatra vegada a Oscar Sipán y Mario de los Santos, de Tropo Editores, una aventura editorial que prencipió en Zaragoza en 2006. “En ista ocasión presientan un taller de creyación literaria en dotze sesions. Os tallers literarios son actividatz endrezadas ta todas aquellas personas intresadas en prencipiar en a escritura creyativa u afundar en tecnica narrativas”, explican dende La Pantera.

O ser humano ye un animal eminentement comunicativo. Todas as formas d’arte conoixidas en l’actualidat (mosica, pintura, escultura…) no representan que a combinación d’a estetica con o mensache. A escritura creyativa como elemento de comunicación ye estada historicament a gran amarguinada. Dende Tropo Editors preban de tapar ixe forau ufrindo istos tallers a on que se podrá descubrir os trucos y as tecnicas que fan servir os escritors ta fer o suyo treballo.

“Os tallers s’adaptan especialment a o libel y preferencias d’o publico ta qui se va a fer, fendo-se todas as sesions por escritors de ampla experiencia en a escritura de novelas, cuentos y poesía. A suya dinamica ye muito participativa fendo-se servir as zaguers tecnolochías multimedia y exercicios teatrals”, adhiben.

O taller quier amostrar a las personas asistents “as estratechias, as ferramientas y as tecnicas que calen ta ideyar, disenyar y escribir una historia, caracterizar os personaches, enriquir un argumento, escribir una scena y, en cheneral, poder gronxiar-se con o placer d’escribir”.

Se i charrarán de temas como as tecnicas de creyatividat, planificación d’a historia, menas de narradors, escritura d’un cuento, historias de chenero, espesamiento d’un argumento, disenyo d’una scena, menas de personaches, caracterización d’o personache, presentación d’un personache, charrazos, corrección d’o texto, …

Más información en a web de La Pantera.

Fuent: http://arainfo.org/2014/01/la-pantera-rossa-acoge-un-taller-de-creacion-literaria-en-doce-sesiones/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.