L’A.VV. La Paz prencipia una campanya ta conoixer a opinión d’o vico sobre movilidat y transporte

As conclusions se levarán t'a Chunta Municipal d'o vico y t'a concellera Carmen Dueso.

Aturada d'o 23 en La Paz (Foto: Arainfo)

Aturada d’o 23 en La Paz (Foto: Arainfo)

L’Asociación Vecinal d’A Paz prencipia iste sabado una campanya ta conoixer a opinión d’os vecins d’o vico sobre diferents qüestions tocants a la movilidat y o transporte publico. A campanya pendera en a instalación de mesas en a carrera, mientres as venients semanas, a on que se replegarán as respuestas a una enqüesta que han feito dende l’asociación.

En ista enqüesta se formularán preguntan sobre a valuración d’as linias de autobús publico que pasan por o zaragozano vico d’A Paz, sobre atros meyos de transporte publico, como o servicio de Bizi y o tramvía, y sobre diferents qüestions d’intrés cuanto a problemas relacionaus con a movilidat. En concreto, belunas d’istas preguntas serán: “Tocant a lo vico de Torrero – A Paz ¿Cómo valura o funcionamiento actual d’o servicio d’autobuses urbanos municipals?” “¿Considera vusté que Puerto Venecia, dada a suya magnitut y o suyo caracter de centro comercial privau, habría de contar con os suyos propios meyos de transporte y asumir o coste d’os mismos?”

L’Asociación de Vecins La Paz indica que os resultaus d’as enqüestas serán transmitius de traza oficial t’a Chunta Municipal de Torrero y t’a tenient d’alcalde, Carmen Dueso.

 

Fuent: http://arainfo.org/2013/04/av-la-paz-inicia-una-campana-para-conocer-la-opinion-del-barrio-sobre-movilidad-y-transporte/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.