L’Aeropuerto de Teruel será en a Farnborough International Airshow de Londra

Esta exposición se encuentra dentro de las mejor valoradas en el sector, junto a Le Bourget, celebrada en Francia y la alemana ILA Berlin Air Show

Foto: Cronica de Aragón

Foto: Cronica de Aragón

L’aeropuerto de Teruel continará a suya prochección enta l’exterior en a feria Farnborough International Airshow que se celebra en Londra entre o 14 y o 20 de chulio. Con a presencia de Teruel en iste evento internacional, se preba de continar o desembolique d’a industrialización de l’aeropuerto.

Con a participación de l’Aeropuerto de Teruel en ista mena d’acontecimientos, se preba de fer conoixer y potenciar l’actividat industrial entre interpresas especializadas en combustibles u arias de investigación y desembolique, seguntes apunta Alejandro Ibrahim, director de l’aeropuerto y cherent d’o consorcio. “A presencia internacional que china chana va asumindo a infraestructura teruelana, ye sinyal d’o encierto en a chestión d’iste espacio, debant de prochectos faraonicos en atras capitals de provincia que no han feito honra ni ta creyar treballo estable ni ta potenciar l’actividatz turistica, ni en os diferents hotels, ni en as actividatz economicas complementarias a lo turismo”, opina o director.

Ista exposición se troba aintro d’as millor valuradas en o sector, chuntoa  LeBourget, celebrada en Francia y l’alemana ILA Berlin Air Show. En a zaguer edición, se chuntoron más de 1.500 interpresas y bi pasoron más de 100.000 visitants.

A participación de l’Aeropuerto de Teruel en iste acontecimiento internacional se suma a los tramites prencipiaus con l’Achencia Estatal de Seguridat Aeria (AESA) ta poder fer operacions de carga aeria baixo negocio. “Somos treballando agora en una prestación mayor de servicios en l’Aeropuerto y por ixo somos demandando a AESA qué tramites calen ta conseguir l’autorización d’a carga aeria baixo demanda. Ye atra d’as posibles actividatz que se presientan en l’aeropuerto como una alternativa más”, sinyala Alejandro Ibrahim.

Iste ye un trango más ta fer de l’Aeropuerto de Teruel una plataforma industrial aeronautica a on que interpresas d’o sector de qualsiquier parte d’o mundo puedan establir as suyas operacions, aprofitando a localización estratechica d’a peninsula Iberica como punto de conexión entre Europa, Africa y America.

Fuent: http://www.cronicadearagon.es/wordpress/aragon/el-aeropuerto-de-teruel-estara-en-la-farnborough-international-airshow-de-londres

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.