L’aeropuerto de Zaragoza consigue en 2011 o suyo record historico

L'aeropuerto de Zaragoza, con más de 750.000 pasachers y de 48.000 toneladas de carga, obtenió en 2011 os millors resultaus d'a suya historia.

Aeropuerto de Zaragoza (Foto: http://www.zaragoza-airport.com)

O trafico de viachers crexió un 24% entre chinero y aviento de 2011, estando lo numero de pasachers estatals o que ha experimentau una crexedura mayor, un total de 316.418 personas que se traduz en una crexedura d’o 34,4% en relación a 2010.

D’atra man, o numero de pasachers entrenacionals, (incluyindo os d’a Union Europeya y os que no perteneixen a ella) ha plegau a las 433.084 personas, o que suposa una crexedura d’o 17,6% con respecto a o mesmo periodo de l’atro anyo.

L’aeropuerto d’a capital aragonesa ye tamién un referent d’o Rete d’AENA en quant a carga se refiere. A día de hue, se tracta de l’aeropuerto más important en datos de transporte de mercancías dezaga d’os de Madrit-Barajas y Barcelona-El Prat. Cuenta con más de 40.000 metros quadraus de nuevos terrenos destinaus a actividatz lochisticas, una termina de productos perecederos de 2.000 metros quadraus y servicios aduaners. De chinero a aviento de 2011, cheneró lo movimient de 48.609 toneladas de carga (un 14,3% más que en tot 2010). En 2011, l’aeropuerto de Zaragoza rechistró a man de 12.000 operacións.

Fuent: http://www.comarcas.es/index.php/mod.noticias/mem.detalle/idnoticia.6611/relcategoria./chk.3ee0a12890bcf1aa08fda79325b3d64b.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.