L’alcalde de Burgos anuncia a paralización definitiva d’as obras d’o bulevar de Gamonal

Pese que iste maitín o concello heba refusau ixa posibilidat, l'alcalde burgalés, Javier Lacalle, ha anunciau ista tarde que se paralizan de tot as obras d'o bulevar d'o vico de Gamonal

Foto: Chomi Delgado (Diagonal)

Foto: Chomi Delgado (Diagonal)

Javier Lacalle, alcalde de Burgos, ha anunciau ista tarde en rueda de prensa, a paralización definitiva d’as obras de Gamonal. Lacalle ha chustificau a suya decisión “dimpués d’una intensa reflexión dimpués d’o Pleno d’iste maitín” amostrando o suyo deseu que ista mida meta fin a las “tensions” rechistradas en os zaguers diyas en o vico burgalés. “Hemos entendiu o mensache”, ha apuntau.

L’anuncio de l’alcalde contradiz a l’alcordau iste maitín en o pleno quan con os votos d’o PP han refusau a propuesta d’os tres partius d’a oposición de paralizar “con caracter immediato” as obras de Gamonal, asinas como ubrir un dialogo con os representants vecinals.

Antiparte, l’alcalde d’o PP ha descartau dimitir, pese a las multiples peticions en iste sentiu. “Si cada vegada que surte un problema un alcalde hese de dimitir no quedaría un solo alcalde en iste país”, ha afirmau.

Iste mesmo luns, ha explicau Lacalle, prencipiará l’adecentación d’a carrera, que se troba parcialment devantada por o prencipio d’os treballos d’o bulevar, ta tornar-la a o suyo estau inicial.

Fuent: http://arainfo.org/2014/01/el-alcalde-de-burgos-anuncia-la-paralizacion-definitiva-de-las-obras-del-bulevar-de-gamonal/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.