L’alumnalla d’o CRA Cinca-Cinqueta gana o Premio Paseo Project Mini 2013 con cine en aragonés

L'alumnalla que ye aprendendo aragonés en ista escuela rural d'o Pirineu gana un certamen de prochectos con nuevas tecnolochías

Clase d'aragonés en o CRA Cinca-Cinqueta

Clase d’aragonés en o CRA Cinca-Cinqueta

L’alumnalla d’o CRA Cinca-Cinqueta, integrau por as escuelas rurals d’A Espunya, Saraviello, Bielsa, Plan, Sant Chuan de Plan y Chistén, s’ha feito con o Premio Paseo Project Mini 2013, en a suya primer edición, con o prochecto “Cine en aragonés”. O premio, convocau por a Fundación Zaragoza Ciudad del Conocimiento y Ars Electronica, en colaboración con o Concello zaragozano, galardonaba a o millor prochecto creyativo feito a traviés de nuevas tecnolochías y medios dichitals ta menors de 18 anyos.

O churau, integrau por Martin Honzik, director d’o programa U19 Create your World d’Ars Electronica; Lucía Serrano, responsable d’o suplemento Heraldo Escolar; José Manuel Casanova, tecnico d’o servicio d’Educación d’o Concello de Zaragoza; Juan Pradas de Milla Digital y Concello de Zaragoza; Mariano Salvador, coordinador d’o programa Paseo Project; y José Carlos Arnal, director d’a Fundación Zaragoza Ciudad del Conocimiento, ha concediu o trofeu a o prochecto d’o CRA Cinca-Cinqueta por a suya orichinalidat amás d’o buen emplego d’as ferramientas dichitals como “vía de conservación y transmisión d’un determinau herencio cultural, en iste caso a luenga aragonesa“, amás de “vinclar o tradicional con o mundo contemporanio a traviés d’a creyatividat tecnolochica”.

O premio ye dotau de 1.500 euros ta material escolar tecnolochico ta escuela, amás d’un viache ta tres personas a o Festival Ars Electronica 2013 en Linz (Austria), a on presentarán iste prochecto en a sección d’o festival U19 Create your World.

2 Rispuestas a L’alumnalla d’o CRA Cinca-Cinqueta gana o Premio Paseo Project Mini 2013 con cine en aragonés

  1. Pingback: L’alumnalla d’o CRA Cinca-Cinqueta gana o Premio Paseo Project Mini 2013 con cine en aragonés | AraInfo | Achencia de Noticias d´Aragón

  2. Pingback: O CRA Cinca-Cinqueta presentará o suyo cine en aragonés en o Festival Ars Electronica en Austria | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.