Lambán demanda que se prengan as midas que calga ta escoscar l’Ebro

O secretario cheneral d'o PSOE en Aragón s'ha reuniu con bells alcaldes d'a ribera

Lambán en a visita ta Pratiella (Foto: PSOE)

Lambán en a visita ta Pratiella (Foto: PSOE)

O president d’a Colla Parlamentaria Socialista y secretario cheneral d’o PSOE en Aragón, Javiér Lambán, ha demandau que se prengan as midas que calga y que se faigan os tramites administrativos que pertoquen ta “poder escoscar l’Ebro y empachar as repetidas engaronadas”. Lambán ha explicau que a Colla Parlamentaria Socialista ha presentau una iniciativa ta que s’escosque o río, se faigan más esfensas y s’articulen as compensacions que calgan por os efectos d’as engaronadas.

Lambán ha teniu una reunión con os alcaldes d’a redolada en Pratiella y, dimpués ha visitau totz os lugars afectaus por as engaronadas. Lambán “ha trobau a faltar maquinaria y dotacions ta prevenir lo que plegará, más que más, t’a part de Pratiella”. Tamién s’ha amostrau preocupau porque “a los ciudadans d’a ribera se les acotola a paciencia”.

O diputau ha demandau que, en pasar a creixida, l’Administración faiga una evaluación d’as esferras y prenga as midas que calga ta que no se torne a repetir. Ha demandau tamién que se faigan más midas d’esfensa contra as avenidas en os lugars afectaus.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.