Lambán dispuesto a derogar l’actual lei de luengas a escape

Lambán ha declarau que a nueva lei, similar a la de 2009, no declararía oficials ni a l'aragonés ni a o catalán

Javier Lambán chunto a Miquel Iceta. Foto: Gubierno d'Aragón

Javier Lambán chunto a Miquel Iceta. Foto: Gubierno d’Aragón

O president d’o Gubierno aragonés, Javier Lambán, declaró ahiere estar dispuesto a derogar l’actual lei de luengas d’Aragón “o más aprisa posible”. Istas declaracions fuoron feitas dimpués de reunir-se con o lider d’os socialistas catalans y candidato a la Generalitat de Catalunya o 27-S, Miquel Iceta.

A encara actual lei denomina a aragonés y catalán como LAPAPYP (Luenga Aragonesa Propia de l’Aria Prepirinenca y Pirinenca) y LAPAO (Luenga Aragonesa Propia de l’Aragón Oriental) respectivament, sacando-les as definicions scientificas, o qual ocasionó un gran ridiculo dentro y fuera d’as mugas aragonesas.

Javier Lambán ha alvertiu que nomás o castellano será luenga oficial d’Aragón en una nueva lei de luengas que seguntes as suyas parolas sería parellana a l’aprebada en 2009 por PSOE y CHA en que se i reconoixeban l’aragonés y o catalán como luengas propias, pero no oficials.

Dende o PP, María Luisa Ferrando criticó l’anuncio y denunció que a nueva lei tendría un coste d’uns “40 millons d’euros“, o que dende o PSOE, de voz d’o suyo portavoz en Cortes, Javier Sada, calificó de “mentira“. Sada consideró que o PP “creyó un problema” do no n’i heba, en relación a la aprebación d’a encara actual lei de luengas.

Una rispuesta a Lambán dispuesto a derogar l’actual lei de luengas a escape

  1. Pingback: Lambán, presidente del gobierno de Aragón, dispuesto a derogar la actual ley de lenguas cuanto antes [arg]

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.