L’AMPA d’Albalat de l’Arcebispe indignada por a indiferencia de Dolores Serrat

Dolores Serrat encara no s'ha reuniu con l'AMPA d'ista localidat pa tractar o tema d'o primer ciclo d'a ESO

Manifestación en defensa d'a escuela publica rural en Albalat de l'Arcebispe. Foto: educateruel.blogspot.com

Manifestación en defensa d’a escuela publica rural en Albalat de l’Arcebispe. Foto: educateruel.blogspot.com

L’AMPA d’Albalat de l’Arcebispe (comarca d’o Baixo Martín) ha feito publica una queixa contra Dolores Serrat, consellera d’Educación, Cultura y Esporte, debant d’a “postura indiferent” d’a suya consellería. L’AMPA quiere fer participe a tot o mundo d’o “suyo profundo malestar” y deseya d’estar escuitada.

Dende ista AMPA sinyalan que en a reunión que mantenioron en chunyo d’iste anyo con a directora provincial de Teruel, Begoña Lahoz Lapuente, se les comunicó que se celebraría una reunión con a consellera Serrat en setiembre. “Encara somos asperando respuesta pa tractar o tema sobre o primer ciclo d’a ESO en a nuestra localidat” lamentan.

L’AMPA recuerda que Dolores Serrat ya ha manteniu atras reuni0ns con AMPAS de Uesca y Zaragoza, pero no con Teruel. “Si ye consellera d’a nuestra marabillosa comunidat, debe saber, que la componen 3 provincias, no solament 2, que le quede constancia que mientres que i haiga un centro que remaneixca con o primer ciclo d’a ESO, Albalat de l’Arcebispe seguirá luitando, u totz u dengún” aseveran.

Fuent: http://arainfo.org/2013/10/el-ampa-de-albalate-del-arzobispo-indignada-con-dolores-serrat/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.