L’anyo Albéitar Mundial protagonista d’as fiestas d’o Pilar

O Colechio Oficial d'Albéitars de Zaragoza (COVZ) para en a Feria de Muestras de Zaragoza, mientras os diyas 8 a o 16 d'octubre, un amplo programa d'actividatz ta fer conoixer a profesión.

World Veterinary Year 2011

O Colechio Oficial d’Albéitars de Zaragoza (COVZ) ufrirá un amplo programa d’actividatz mientras as fiestas d’o Pilar 2011 ta conmemorar l’Anyo Albéitar Mundial, que remera o 250 anniversario d’a primera escuela t’albéitars en o mundo, creyada en Lyon (Francia) en 1761.

 

O COVZ disposará de tot un pavillón, en concreto o numero 9 d’a Feria de Muestas de Zaragoza, an que montará un amplo stand (300 m2) ta espardir, mientras os venients dias 8 a o 16 d’octubre, as valors de dita profesión como garante d’a salut publica y a salut y bienestar d’os animals.

 

Baixo lo lema “Bi ha un albéitar en a vida de tú”, o programa d’actividatz d’o COVZ ufrirá mientras ixos diyas un buen numero d’actividatz relacionadas con a profesión, que culminará con un brinco en parachutes con o sinyal albéitar y o suyo posterior izau en o recinto ferial o diya 14 d’octubre, declarau por a Feria de Zaragoza como lo “Diya d’a Profesión Albéitar”.

 

A exposición permanent d’o Premio Nacional de Pintura d’o COVZ y a muestra fotografica permanent “Construccións ganaderas tradicionals” constituiguen dos intresants alportacións d’un programa cultural que contará a más con a presencia de Gonzalo Giner: l’escritor sinyará exemplars d’a suya novela “El jinete del silencio”

 

A más d’o concurso de mascotas, os ninos podrán divertir-se con actividatz didacticas rilacionadas con a profesión, organizadas por a Comisión de Bromatrolochía, l’Asociación de Clinicas Albéitars y a Facultat d’Albéitar de Zaragoza. D’atra man, os ninos podrán vesitar a rafalla escuela que s’instalará en o recinto ferial y dar paseyos en pony.

 

Tamién en a plaza central se ferá, a más d’o concurso de mascotas, una exhibición de cans pastors.

 

Os albéitars melitars tamien tendrán protagonismo, con una exposición d’a suya unidat y a suya participación en una exhibición de cans  de l’exército.

 

O publico asistent podrá disfrutar d’una degustación de Ternasco d’Aragón en a Plaza Central d’a Feria, que ye prevista ta bellas 2.500 personas. Os aficionaus a la gastronomía contarán, a más, con una exhibición de corte de Jamón de Teruel y degustación. Totz dos actos se ferán o 14 d’octubre, con motivo d’o “Día d’a Profesión Albéitar”

Fuent: http://albeitar.portalveterinaria.com/noticia/10516/EMPRESAS/a%C3%B1o-mundial-veterinario-ser%C3%A1-protagonista-durante-fiestas-pilar-zaragoza.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.