L’anyo venient veyeremos o cometa d’o sieglo?

O cometa ISON se podría veyer a final de 2013 a totz dos hemisferios. Se preveye que plegará a estar mas brilant que no a luna plena

cometaison

Imachen en que se detectó o cometa ISON

O 2013 podría estar un anyo recordau por a visión d’un d’os cometas mas brilants que no s’haigan visto nunca. Se tracta d’o cometa ISON, descubierto por dos astronomos aficionaus o mes de setiembre pasau quan s’amanaba t’a orbita de Chupiter. Se calcula que tien una orbita quasi parabolica que ferá que s’amane muito t’o Sol, a menos de dos millons de kilometros, a final de noviembre de l’anyo venient. Si alavez no se desintegrase, plegaría a estar visible a totz dos hemisferios d’a Tierra en aviento de l’anyo venient y en prencipiar o 2014. Y podría estar mas brilant que no a luna plena.

Pero antes, o mes d’agosto de l’anyo venient, o cometa ya s’habrá amanau prou t’o Sol, a unos 320 millons de kilometros, por o que s’empecipiará a formar l’halo, a caracteristica coda. Dependient de cómo siga alavez ya se podrá predecir mas bien qué brilo podrá plegar a tener.

O zaguer cometa que se veyó en a Tierra estió o Lovejoy, en aviento de l’anyo pasau, en l’hemisferio sud. He aquí un vidio con imachen accelerada:

http://vimeo.com/34126124

Y en iste vidio d’a NASA se veyeba como saliba intacto de l’atmosfera solar.

Fuent: http://www.vilaweb.cat/noticia/4069314/20121228/lany-ve-veurem-cometa-segle.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.