L’aragonés estió present en a feria Expolangues

A feria, adedicada a la diversidat lingüistica, se celebró en París entre o 6 y o 9 de febrero

cartelA luenga aragonesa estió present, por primer vegada, en a  más gran Feria Internacional adedicada t’a diversidat lingüistica, Expolangues, Exposición d’as luengas y as culturas, que ha celebrau a suya 31 Edición en París entre o 6 y o 9 de febrero, baixo o patrocinio d’o Parlamento Europeu.

Expolangues ye una plataforma ta promover o multilingüismo a traviés de trobadas, intercambios y iniciativas. O profesor y escritor Chuse Antón Santamaría, miembro tamién de Rolde de Estudios Aragoneses y Consello d’a Fabla Aragonesa, bi presentó a ponencia “Cuaranta anyadas d’edición en aragonés y catalán d’Aragón”, aintro d’a mesa redonda “A racada cultural y as politicas de promoción de luengas minorizatas”, centrada en as ferramientas ta protecher y promover a diversidat cultural y lingüistica en Europa, con especial trucacio a luengas como l’aragonés, euskera, bretón, catalán, corso, gaelico, gallego, macedonián, occitano y sardo.

A mesa (moderada por Günther Dauwen y compuesta por Manuel Bragado, president de l’Asociación d’Editor en gallego, Carles Torner, director d’o programa sobre Literatura y Cultura catalana, y Chusé Antón Santamaría por REA) estió organizada por o Centre Maurits Coppieters, que en o suyo puesto metió publicacions en aragonés y catalán d’as editorials Aladrada, Rolde de Estudios Aragoneses, Xordica, Gara d’Edizions, Prames, Consello d’a Fabla Aragonesa, Sociedat de Lingüística Aragonesa y d’o Gubierno de Aragón.

Fuent: http://fundaciongaspartorrente.wordpress.com/2013/02/11/la-diversidad-linguistica-aragonesa-presente-en-expolangues-exposicion-de-las-lenguas-y-las-culturas-de-paris-a-dibersida-linguistica-aragonesa-presen-en-expolangues-esposizion-das-luen/

Una rispuesta a L’aragonés estió present en a feria Expolangues

  1. Pingback: L’aragonés estió present en a feria Expolangues | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.