L’aragonés, l’asturiano y o sardo, chuntos en o Centro Aragonés de Barcelona

Se celebra o 21 cabo d'anyo d'a Carta Europea d'as Luengas Minorizatas

cartelO Centro Aragonés de Barcelona quiere celebrar iste martes o 21 cabo d’anyo d’a creyación d’a Carta Europea d’as Luengas Rechionals u Minoritarias. Ta ixo, ferán un acto a on que se chuntarán tres luengas europeas en periglo: l’aragonés, l’asturiano y o sardo, luenga charrada en a isla de Cerdenya.

Dende as 20:00 se ferán lecturas de textos a on que participará Andrés Castro por l’aragonés, Giacomo Floris  por o sardo y Pablo Valenciano, por l’asturiano. En rematar se ferá una brenda y una sesión de mosica en aragonés a cargo de DJ Gurrión.

Dende o Centro Aragonés de Barcelona y l’asociación O Corrinche, remeran que a Carta Europea d’as  Luengas Rechionals u Minoritarias ye un tractau europeo preso en Estrasburgo o 5 de noviembre de 1992 t’a esfensa y promoción de todas as luengas d’Europa que no tienen ran d’oficialidat, u que mesmo estando oficials en belún d’os firmants no’n son en atros, u que estando oficials, son en manifiesta febleza.

 

5 Rispuestas a L’aragonés, l’asturiano y o sardo, chuntos en o Centro Aragonés de Barcelona

  1. Pingback: L’aragonés, l’asturiano y o sardo, chuntos en o Centro Aragonés de Barcelona | AraInfo | Achencia de Noticias d'Aragón

  2. Pingback: L’aragonés, l’asturiano y o sardo, chuntos en o Centro Aragonés de Barcelona | Tierra alantre, la mesma fala

  3. Paraz cuenta que ye Andrés Castro qui leyera, no Antón Castro. Ya os cuacaría! Grazias por espardir l’ebento.

  4. Ya Nos cuacaría! Quereba dezir…

  5. Vaya prestoso que ye ver que se faen coses asina, entre falantes de distintes llingües minorizaes (del estáu y d’otros estaos). Norabona al Centro Aragonés de Barcelona por esta gran iniciativa 🙂

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.